OTI E 34 NA YABAKI QAI RAWATI TALE NA QAQA MAI SO KON PO.
Written by Maria Solomone on November 7, 2022
Mai druka na mata timi ni Viti vei Ositerelia ena fainala levu ni sotasota ni Hong Kong 7s ena noa.
Ositerelia kei Viti ena fainala mai Hong Kong:pc-worldrugby
Ratou qito vinaka sara na cauravou ena i matai ni veimama,ena dua na sikoa mai vei Vakurunabili,oti dua tale na kena mai vei kavetani,Waisea Nacuqu.Vakalailai,dua na sikoa mai tabaka o Henry Hutchison,mai na timi ni Ositerelia.
Marau o Ositerelia ni sa rawa na qaqa mai Hong Kong:pc-worldrugby
Veimama na qito mai liu toka o Viti ena kai e 12-5 na timi no Ositerelia.
Tekivu na i karua ni veimama,dua tale na sikoa mai vei Ositerelia,Tim Clements,dua tale sikoa mai vei Waisea Nacuqu,kauta cake na kedratou kai ena 17-10.
Dua na pepa dromodromo vei Joseva Talacolo ena vuku ni dua na veivesu vakatabui,ka ratou vakayagataka vinaka sara na tikina ya na timi ni Ositerelia,tabaki tale kina e dua na sikoa.
Ni mai cava na qito,qaqa o Ositerelia ena kai 20 kei17.
Mai liu tale ga o Ositerelia ena i tuvatuva ni poidi mai Hong Kong ena 22,Viti e 19 kei Varanise ena i ka tolu ena 17 na poidi.
Ivurevure:fijivillage
