QARAVI VAKAVUNIWAI E DUA NA GONETAGANE VULA VA E NA SAI SANJEEVANI CHILDRENS HEART HOSPITAL
Written by Mika Qalobula on July 15, 2023
E a laki qaravi rawa vakavuniwai ena valenibula na Sai Sanjeevani Children’s Heart Hospital na gonetagane vula 4 koya ka raici tikoga vakamatanitu e na valenibula levu e Suva, ka laurai e dua na lamu e na nona uto.
E vakaraitaka na Vuniwai e na valenibula levu e Suva o Doctor Antoinette David ni rauta ni sivia e 70 na siga na nona curu tiko e valenibula levu na gonetagane lailai oqo, ka vuqa sara na veiqaravi e vakayacori vua ia, e vaka-vinavinakataka na valenibula na Sai prema ena nodratou veiqaravi, ka sele rawa kina na gone vula 4 oqo.
E vakaraitaka na nona vaka-vinavinaka na ivukevuke ni Director ni Child Services o Ela Tukutukulevu e na nodra qaravi tu na gone ena valenibula ni veivakarautaki oqo, ka sega ni dua na ka vakailavo e saumi e na nodra laki qaravi na gone.
