Ratou nuinui tu na Crusaders mena qito o Sevu Reece ena macawa oqo.
Written by Atu Kurumudu on June 1, 2022
Kena i rairai tiko ni-na lade i rara ena mua ni macawa oqo o Sevu Reece ena kena namaki na quarter fainala ni Super Rugby Pacific. A laurai ni tereni tiko o Reece ena siga Moniti.
Sevu Reece ka qito ena itutu ni wing ea sosomitaki yani ena i ka ciwa ni miniti ena nodrau a sota na timi ni Crusaders kei Reds ena Vakaraubuka sa oti ka ratou mai qaqa talega kina ena kai 28-15. A qai sosomitaki koya yani o George Bridge.
Era kaya ni ‘re-match’ kei na timi ni Reds, ka ratou se keba tikoga e Christchurch , ena vakayacori tale ena Orangetheory Stadium.
Vakadeitaka o Scott Hansen na i vukevuke ni dauniveivakatavulici ni Crusaders ni ratou sa raica tiko na veika kece me baleti Reece kei na nodratou na gadreva mena qito ena mua ni macawa oqo.
Kevaka ena qito , sa na laki tomani rau na nona i tokani o Richie Mo’unga kei Jack Goodhue ka rau matataka talega na timi ni All Blacks.
Na hooker o Codie Taylor ka mavoa ena sota kei Brumbies , e sa daumaka ka na qito talega ena macawa oqo.
source:stuff.co.nz
