RAU KUNEA NA CAURAVOU NI REWA OQO NA MANUMANU VUKA NA KULUVOTU ENA MATAKA NIKUA MAI GAU.
Written by Mika Qalobula on March 11, 2025
E rau a lesu tiko mai ena yanuyanu o Koro ena yakavi nanoa Inoke Seru kei Letasio Rakuro,e 2 na cauravou ni Rewa,ka rau a vodo lesu tiko mai ena waqa na Lomaiviti Princess.
Na waqa oqo e a qai gole vaka ki Gau,ka biubiu mai kina ena mataka nikua.Ena kena sa biubiu mai e rau qai kidacala na cauravou oqo,ni sa vuka yani e loma ni waqa e dua na manumanu vuka na Kuluvotu,ka laki ro sara volekata na vanua rau dabe toka kina ena dela ni waqa.
E qai gole yani ko Letasio ka toboka sara mai, me vaka ni matalia dina sara vei rau na kena i rairai,ni sa bau rairai vinaka dina.
Na gauna oqo e rau vinakata tiko me kau na Kuluvotu oqo ena dua na vanua ke rawa ni laki maroroi kina,me vaka ni dua dina na manumanu makawa ni noda vanua.
E rawa nio veitaratara vei rau ena naba ni talevoni na 8660670.
VITIFM 92.2FM,92FM,92.6FM ,92.4FM – E KAMICA QAI KACHI!!!
