RHEUMATIC HEART DISEASE
Written by Atu Kurumudu on May 11, 2022
Vaka eda vakawalena vakalevu na kena rawa ni tara bi ena noda bula na tauvimate ni uto na Rheumatic.
E mataqali tauvimate vakacava? E tekivu vakacava? Cava soti na kenai vakatakilakila?
Eda kalougata vakalevu e Viti ni ra tu na taba ni veiqaravi eso ka rawa ni da nuitaka me na vukei keda ena kena wali na tauvimate vaka oqo. Na Cure Kids esa rauta ni yabaki 16 qo na nodra veiqaravi voli e Viti me baleti ira saraga na luveda. E duri na kena qo me vukea na vakadidiketaki ni mate qo e Niusiladi kei na wasa pasifika ka sainitaki talega e dua na kena veidinadinati kei na matanitu o Viti, ena noda tabana ni bula.
Na Rheumatic Heart Disease e laurai ni dau tauvi ira vakalevu na luveda ni tekivu ga mai ena Acute Rheumatic Fever, ka vuna levu na dewa ni manumanu lalai ni mate vakatokai na Group A Streptococcus, ni tu dede ena rawa ni vakacacana na noda sala ni uto. E bau toka vinaka e Viti nai wiliwili levu ni tauvimate qo ka kunei ena vaadidike ni rawa mada ga ni dua na gone ena loma ni veivalenivuli yadua e rawa ni tiko vua na mate qo. Rauta tiko na 60 era leqa e Viti mai na mate qo ena veiyabaki, Sa dodonu meda kakua ni vakawalena.
Source: MOH
