ROSI NI UTOQU – VIA NI TEBARA.
Written by Mika Qalobula on November 9, 2021
E dua na matasere rogo levu ka taleitaki sara tiko e vuqa na nodratou sere,na mata i lawalawa nei Viliame Ratuva,na ‘VIA NI TEBARA’,ka ratou cavutu mai Nakorovou,Dreketi mai Rewa.
‘ROSI NI UTOQU’- e dua na sere ka levu sara era dau mateca na qaqana kei na kena i lagalaga,ka so e ra dau tukuna tu ni kedra sere.Na sere oqori e buli me baleta na nona bula e dua na marama ni Nadakuni mai Naitasiri,ena nona sa kacivi yani mai na bula oqo,ka sa dua na ka na kena mosita na luvena tagane o Arisi Tabuasei,me vaka ni rau dau veivolekati sara ka nona ‘Mento’,tu mai,ka rawata vinaka kina na nona bula.
A qai kerea o Tabuasei ki vei Viliame Ratuva me bulia e dua na kena sere na marama na tinana,ka me kua ni buli me vaka e dua na sere ni mate,ia me bulia me vaka saraga ni rau veimositi e dua na cauravou kei na nona i tau ena vuku ni nodrau tu veiyawaki,ni sa mateci koya dina nona sa biuta koya o nona Na.
Vakarorogo mai ena VITIFM 92.2FM,92FM keina 92.6FM.
Source : Bill Ratuva
