SA RAWA NI O TAURA NOMU I CULA NI BOOSTER NI OTI E 3 NA VULA MAI NA NOMU CULA ENA I KARUA NI COVID 19 VACCINE.

Sa na rawa veikeda na lewenivanua meda lai taura na noda i cula ni booster ni oti ga e 3 na vula mai na nomu taura na i karua ni cula ni Covid 19 Vaccine, ka sa sega ni o qai waraka tale e 5 na vula me vaka e liu.

Vakaraitaka na i tukutuku qori na Vunivola Tudei ni tabana ni bula o Dr. James Fong. 

Kaya o Dr.Fong ni sa vakadewataka oti na i tukutuku oqo kivei ira na timi ni Tabana ni bula ka ra veicula tiko ni sa rawa ni ra cula ena booster ni oti ga e 3 na vula mai na nodra taura na i 2 ni cula ni Covid 19 Vaccine, ka meratou sa vakabibitaka taka talega yani na veicula  vei ira na gonevuli yabaki 12 – 18 ena ruku ni Schools Vaccination Program.

Vakaraitaka talega na tabana ni bula ni ratou dikeva rawa e 5 na kisi vou ena siga Vakarauwai, 8 na kisi vou ena Sigatabu ka 5 na kisi vou ena loma ni 24 na yauwa sa oti ka mai cava toka ena 8 na kaloko ena mataka e nanoa.

Me yacova tiko mai na gauna qo era sa cula oti e rauta ni 116,069 ena booster shots.

Kena i tukutuku matata vakarogo tikoga mai ena Vitifm 92.2FM/92.6FM/92.0FM