Sa sega tale na werewere.
Written by Atu Kurumudu on November 7, 2022
Ena dua na loma ni bai e Igiladi, e ratou sa veiqaravi tiko kina e 3 na robot me ratou vakamatea na co ca ka tiko ena lomanibai oya.
Na yacadratou o Tom,Dick kei Harry – ka bulia na Small Robot Company me vakasavasavataka na lomani bai mai na co ca kece e tubu kina.
Na imatai ni robot o Tom na nona i tavi ena loma ni dua na siga me vakasokomuna mai na i tukutuku ni iwiliwili ni co ca kei na vanua era tubu tiko kina – ena loma ni 49 na eka.Na itukutuku oya sa qai soli vei Dick [“crop-care” robot], me vakamatei ira ena kena vakayagataki na livaliva ni bera ni qai vakacavara yani o Harry me tea na itei ena vanua ka sa vakasavasavataki oya.
Tukuni ni iwalewale oqo , e rawa nira vakabula ilavo kina na dau teitei.
Ena itukutuku mai na UN Food and Agriculture Organization 6 na milioni na metric ton na wainimate ni co ca e volitaki ena 2018 ka tiko sara na kena isau vakailavo ena $38 bilioni na dola.
source:bbc
