Sagai me lewena totolo na EU- Ukraine.
Written by Atu Kurumudu on June 17, 2022
Sa veitokoni na Peresitedi ni matanitu o Varanise – Macron kei ira na iliuliu ni veimatanitu ka oka ena EU me na lewena nai soqosoqo oqo na matanitu o Ukraine.
Ratou a laki ciqomi taumada ena i tikotiko ni peresitedi ena nodratou a laki veisiko ki Ukraine na iliuliu ni matanitu o Jamani-Olaf Scholz , liuliu ni matanitu o Italy-Mario Draghi kei Macron.
Nodra veitalanoa nai liuliu ni matanitu o Ukraine, Jamani,Varanise,Itali kei Romania.
E kerei ira tiko ga nai liuliu ni veimatanitu kara lewena na EU o Zelensky, me vaqaqacotaka tale na vakatatabu ni veivoli kei Rusia kei na kena vukei na nona matanitu ena i yaragi me rawa ni taqomaki ira kina na lewenivanua. Ia , era sa mai tao tu rauta ni 10,000 na lewe ni vanua ena koro levu o Severodonetsk ena veiraravui kei na vakalutu gasaukuro e cakava tiko na mataivalu ni Rusia ena vanua oya.
source:bbc
