Sagai tale tiko me laki saravi na ivovo ni waqa na Titanic.
Written by Atu Kurumudu on June 19, 2024
Ena gauna vata vaka oqo ena Tusiti ni yabaki sa oti , e sarava o vuravura na veika vakadomobula ena nodra sa tekivu vaqaqara na waqa ni nunu kei na kena misini ena nodratou vaqarai na lewe 5 ka vodo tiko ena OceanGate. Ni oti e vica na siga sa qai vkadeitaki ni ratou sa mai leqa.
Era kurabui na ilawalawa kara dau taleitaka na cakacaka vaka oqo kei na nodra vakadeitaka na kena dau ni a mai kasere na dago na waqa oya ka ratou mai mate kece kina na lewena ena gauna ratou a via laki sarava kina nai vovo ni Titanic.
Ena gauna mai sogo kina na bisinisi ni OcenGate , e vaka e mai malumu talega na makete ni saravanua vei ira na dau via laki sarava na waqa oqo na Titanic.
Ia, ena itukutuku ka tabaki ena mona livaliva sa vakaraitaki kina ni sa tiko tale na gagadre vua e dua na sub operator , mena muria tale na vanua ratou a muria taumada na lewe 5 me laki yacova sara na vanua e davo koto kina na Titanic.
Na ivovo ni dagoni waqanunu ni Titan ka laurai mai na botonisauloa voleka ena vanua ka koto kina na Titanic.
Paul Daly/The Canadian Press/AP
E vaka koto qo na veika e ratou vola na Triton Submarines – “If there is any positive to draw from the situation, the legacy will be that there is further investment being made in deep ocean submersibles,” said industry leader Triton Submarines, in a statement.
Tukutuku ka basika ena Wall Street Journal e volai toka kina ni oti ga e vica na siga ena kena vakadeitaki nodratou leqa na lewe 5 ena OceanGate , rau a veitalanoa ena talevoni na real-estate billionaire Larry Conor kei na CEO ni Triton , me buli e dua na waqanunu ni saravanua me vakadeitaka e vuravura ni rawa ni yacova na vanua titobu ka davo koto kina na Titanic kei na nodra maroroi na vodo kina.
E vaka toka oqo na veika e kaya o Connor – “I want to show people worldwide that while the ocean is extremely powerful, it can be wonderful and enjoyable and really kind of life-changing if you go about it the right way,”.
Vakaraitaka na gusu ni vosa ni Triton se bera ni rawa ni vakadeitka ena gauna oqo na gauna cava sana naulu kina ki boto ni sauloa na waqanunu ni saravanua e ratou na bulia.
source:cnn