RAWA NA SASAGA NI TIMI NI NATEWA KI NA MARIST 7S.
Written by Maria Solomone on March 15, 2022
Sa vo ga qo e 8 vinaka na siga me sa cabolo na veibutu wa ni vava nodra na dau qito raka ena le ya vitu.
Buroro na nodra dui sasaga na veimata timi mera curu ki na sotasota levu duadua ni qito 7s e Viti na Fiji Bitter Marist 7s.
Vica toka na mata timi era curu vou mai ka so na gauna e dau vakasauri nodra mai rogo ni ra dau vaqiqica eso na timi lelevu ena qito.
I sevu ni gauna me vaka i tavi ena Marist 7s:fijibittermarist7
Dua na timi e yacadratou tiko na Natewa 7s Team. Enai tukutuku ka vakamacalataka tiko mai na nodratou dau ni veivakatavuli o Emori Tudia.
Na yaca ni timi qo e vakavurei mai ena yaca ni nodratou vale na Natewa House ka dabe toka mai na koro ko Tavua mai Koro Lomaiviti.
E tiko nai sema makawa ni veiwekani ena koro qo o Tavua ki na koro vakaturaga mai Natewa e Cakaudrove.
Ena nodratou sasaga saraga na veitacini o Emori, Manoa kei Eparama, e ratou a vakaduria rawa kina na timi qo ni Natewa ena yabaki 2020 ka i sevu ni nodratou laki
vakaitavi ena dua na sotasota ni Mokani 7s. Ratou a yacova kina na semi fainala ni Shield. Mai kea, sa qai ratou dau qito wavoki voli ga ena vica na sotasota e ratou donuya.
Yabaki qo, ratou sasaga ki na Fiji Bitter Marist 7s qai dredre na bula vakailavo. O ira kece ra lewena voli na timi qo ni Natewa era tabagone ga ni Nanuku settlement mai Vatuwaqa,Mai Wailea, mai Viria East kei na koro vagalala era dabe veitikivi koto e Vatuwaqa. Ratou vakavinavinaka vei Elvin na boso ni Rosie Hearts ni qai cavuikalawa mai me sauma rawa na nodratou $750 nai curucuru ni qito.
Varorogo tiko ga mai en a Vitifm.
