SEGA NI RATOU NA TIKO KEI NA VUVALE VAKA TUI MAI BOLATAGANE ENA VANUA VAKARAUTAKI ENA SOQO ME BALETA NA RANADI O PRINCE ANDREW,PRINCE HARRY KEI MEGHAN
Written by Maria Solomone on May 7, 2022
E vakaraitaka na i tikotiko vaka tui mai Bolatagane ni ratou na sega ni na tiko ena vanua vakarautaki kei iratou na vo ni vuvale ena loma ni bai ni tikotiko vakatui na luvena na Ranadi o Prince Andrew,na makubuna o Prince Harry kei na watina o Meghan,ena gauna eratou na yaloyalo mai kina vei ira na lewenivanua ena siga ni nona soqo na Ranadi ena i karua ni Jiune.
Photocredit:abcnews
Na “balcony appearance” qo na vanua vakarautaki ena loma ni tikotiko vakatui mai na Buckingham Palace ka dau yaloyalo mai kina na Ranadi kei ratou nona vuvale vaka tui vei ira na lewenivanua ena gauna e dau vakayacori kina e dua na soqo e valelevu.
Toso tiko na vakavakarau ni nona Siga ni sucu na Ranadi ena Buckingham Palace:pc:abcnews
Toso sara tiko na vakavakarau me baleta na kena marautaki na 70 na yabaki ni nona taura tu na i tutu vaka Ranadi kei Bolatagane o Queen Elizaberth II.
Vakadeitaka tale ga na Ranadi ni ratou na sega ni tiko vata kei na vo ni vuvale vakatui na 3 nona lewe ni vuvale-Prince Andrew,Prince Harry kei na watina o Meghan vakabibi ena gauna ena vakayacori kina na gauna bibi ka vakatokai na Trooping the Colour.
source:abcnews
