SERE VOU-AMELIA MAIBAU-SENILAGAKALI KEI KOROILAGI

SENILAGAKALI KEI KOROILAGI-Na matasere rogo e na noda vanua ka kena i liuliu tiko ko Jesoni Tukana, ka vuqa sara na nodratou sere ko ni dau rogorogoca tiko e na nomuni sala ni kakaburaki na Viti Fm.

Na sere oqo na “AMELIA MAIBAU” e ratou lagata ko Jesoni Tukana, Josefa Naumatua kei Paula Basoga, ka katona ko Freddy Suka e na volau ni katokatoni na Dege Productions.

AMELIA MAIBAU-E buli walega na sere oqo me i vakananumi ni nona bula na Marama oqo ko Amelia Maibau, ka me ra na rogoca tu na nona kawa o Amelia Maibau e na veigauna sa muri mai, e talanoataki tiko kina na nona bula kei ratou na nona lewe ni vuvale me yacova sara na siga ka mai kacivi kina na nona bula .

E cavuti tale tikoga na vakavinavinaka vei ira kece sara na veitokoni tu mai e na kena mai katoni rawa na sere oqo kei Amelia Maibau, vakavinavinakataki Jone Kauvesi mai na New Vision of Fiji e na nona veitokoni, na Pro Jam Band Fiji , ka vakatalega kina o ira kece sara na lewe ni koro ko Navarada kei Vuna mai Taveuni e na nodra veitokoni kei na nodra veiciqomi.

VITI FM;92.2/92.0/92.4/92.6 FM-E-KAMICA-QAI-KAJI

I VUREVURE:SENILAGAKALI KEI KOROILAGI