SERE VOU-ANNIE MAWI-SAI IKO DUABAU GA.
Written by Mika Qalobula on February 7, 2024
ANNIE MAWI–Oqo na Marama,ka cavutu mai ena loma ni koro vakaturaga o Yalava mai Macuata,ka vasu e Somosomo mai Taveuni,ka veiqaravi tiko ena koronivuli,ka vuli ga mai kina oya na Suva Grammar School,ka koronivuli talega oqo a vulica mai kina o koya na lagasere oya mai na 1992 a fomu 1 kina kina na 1998 a qai mani mai vakacavara kina na nona fomu 7,ka vakatalega kina na Marama oqo e dau kilai tani tu ena buturara ni veivakamarautaki vei ira na saravanua,ena vuqa sara na Otela rogo ena noda vanua.
Ia,oqo sa qai matai ni nona sere me katona,ka me vakatagitaki ena vei platform ni lagasere ka sa kilai tu ena gauna ni kua,ka vakatalega kina e sa qai i sevu ni nona sere me vakatagitaki yani ena nomuni sala ni kakaburaki oqo na Viti Fm.
SAI IKO DUABAU GA–Oqo nai talanoa ni Sere me baleta na nona dodomo kei na nona sa rui domona vakalevu na turaga na watina na goneyalewa oqo,kila dau levu nai talanoa ni sere me sa baleta tuga na kavoro ni vuvale,ia na kena qo e duatani baleta ni talanoataki kina na levu ni nona dodomo na goneyalewea oqo vua na turaga na watina.
Bucini na nodrau veidomoni ena gauna e dau vakayacori kina na nodra qito na gonevuli me vaka ni rau qasenivuli tiko ena duidui koronivuli o rau na veiwatini oqo,,me vaka na gauna dau vakayacori kina na qito e dau vakaitavi toka mai se dau ni veivakatavulici mai na nona koronivuli na Turaga oqo ia o vuni marama e dau manidia taka toka yani na nona timi ni koronivuli,,oji rau mani veitalanoa sara ena dua na gauna ni qito koya mani vakadonuya saraga na veitalanoa oqo o Goneyalewa,ka sa tekivu m,e sa bucini ka me sa buroro saraga na nodrau veikilai.
Ena nodrau bula tu vakaveitau rau dau bucina tuga na nodrau bula ni veidomoni ena loloma dina kei na bula marau ena veigauna taucoko,ia oji mani nanuma sara o Cauravou me rau sa vakamau me rau sa dua ga.
E rau mani mai vakamau na rua oqo,,oti e vica vata na yabaki ni nodrau vakamau a qai donumaki tagane na madigi me sa laki veiqaravi vakacakacaka ena ruku ni porokaramu ni Nec mai na vanua levu ko Ositerelia,ka mani rau mai veitataunaki sara vakavinaka ni bera ni sa toso nai golegole.
ia,e laki qaravi vakavinaka sara nai tavi vakacakacaka mai Ositerelia sa qai dua naka na nona dau sotava tiko na galili na Goneyalewa oqo ena vuku ni nona sa tu taudua voli,,oti mani nanuma o koya me volai na sere oqo me rawa ni laki rogoca o tagane ka me kila ni nona dodomo vua ena sega vakadua ni takali,ka ni sai koya na nona duabau ga veitalia na nodrau tu veiyawaki.
VITI FM 92/92.2/92.4/92.6 FM-E KAMICA QAI KACHI!
I VUREVURE-ANNIE MAWI.
