SERE VOU – AU TAGI LO – ROSI DAMU KEI LOMAI.
Written by Mika Qalobula on March 7, 2024
‘ROSI DAMU KEI LOMAI ‘ – Na matasere oqo e liutaka tiko o Netani Waqasaqa ka ratou cavutu mai na yasana vakaturaga o Lomaiviti ena kena yanuyanu mai Gau,ka ratou se tekivu katokatoni ena 2021.
‘AU TAGI LO’ – Oqo e kena sere e dua na marama ni Solevu mai Bua,ka talanoataki kina na dredre e sotava ena nona bula ni vakawati ka vosota voli tu mai vakabalavu.
Na Turaga na watina e veiqaravi ena mataivalu ni noda vanua,ka dau vakayacora vua e so na vakatulewa kaukauwa ena nodrau bula ni vakawati,ka yaco sara madaga me dau besetaka me curu ki tuba na marama ni Solevu qo.
E na gauna e ra dau qai raici koya kina o ira na toka veitikivi,era nanuma ga de lesu mai e na dua na vanua me vaka ni sa dede era qai raici koya,ia e tiko voli ga e vale.
Ni dau sava i sulu madaga o Marama,e dau waraki nodratou Ta ga me dau qai mai vakalilili i tuba,me vaka ni sega ni vakatarai me curu i tuba,ka qai dau vakararawataki koya,ka dau vakatagici koya vakawasoma.
Na marama qo e sa dau nona cakacaka tu ga na tagi ena veigauna,ka sega vakadua ni dau vakaraitaka vei watina ni dau tagi ka vunia vua na mosi,ka sa dau qai masulaki tu o koya,me yaco na gauna me veisau na lomai nodratou Ta,ka me dau lomani koya.
Ia,e a qai mai kacivi na nona bula na Tamadratou,ka mosi sara vakalevu vua na marama ni Solevu qo ,ni sega ni dua na gauna me bau rau dau veirogorogoci kina,ni sa kaci na Tamada vakalomalagi.
VITIFM 92.2FM/92FM/92.6FM/92.4FM – E KAMICA QAI KACHIII!!
I VUREVURE – NETANI WAQASAQA.
