SERE VOU-AU VAKAYAYAMO-JONE TALEMAINAIVALU

JONE TALEMAINAIVALU-Na turaga rogo sara e na buturara ni veivakamarautaki e na lagasere e na noda vanua, ka vuqa na nona sere ko ni dau rogoca tiko e na nomuni sala ni kakaburaki na Viti Fm, ia na sere oqo na “AU VAKAYAYAMO” e vola saraga na kena i talanoa ko Jone Talemainaivalu, ka katona ko Adriu Saranuku e na volau ni katokatoni na Procera Music

AU VAKAYAYAMO- E buli walega na sere oqo me kena i vakananumi ga ko Mrs Ana Denicaucau ka cakacaka tiko vaka qasenivuli ni Secondary School. Na Marama ni Natumua, Tavuki mai Kadavu, ka vakawati vei Eapi Tasikia. E kacivi na nona bula na marama oqo e na kena tauvi koya na mate ni cancer ni sucu ,ka  sasaga kece vakatamata me bula tale o Mrs Denicaucau sa sega ga ni rawa. E sega walega ni Tara ga na vuvale na mosi e tarai ira talega na nona gonevuli e na vanua kece e vei vakatavulici kina.

E sucu e na 8/07/77  ka qai kacivi na nona bula e na 29/06/23, ka  tolu na nodrau i solisoli . E a dua voli na luvena mai liu e yacana o Ben qai mai rua na luvedrau kei Eapi sa i Peceli kei Josaia. E marama yalovinaka dina ka kauta vakalevu na yaloi na watina na malumu ni nona i vakarau, ka  qai mai biutavata kina na sere ko Jone Talemainaivalu “AU VAKAYAYAMO” me talaucaka ga kina o Eapi Tasikia na kavoro e lako curuma e na nona mai takali o Mrs Ana Denicaucau Motoya.

VITI FM:92.2/92.0/92.6/92.4 FM-E-KAMICA-QAI-KAJI

I VUREVURE:JONE TALEMAINAIVALU