SERE VOU-BIU KO RATU KADAVULEVU-MALUMU NI TOBU KEI NAIVAUKURA

MALUMU NI TOBU KEI NAIVAUKURA-Na matasere rogo e na noda vanua, ka kena i liuliu tiko ko Jio Vetaukula,ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm.

BIU KO RATU KADAVULEVU-Na sere oqo me baleta e dua na cauravou , na yacana ko Tim Maxwell, ka cavu tu mai na koro ko Namena mai Tailevu. E talanoataki tiko e na sere oqo na nona a lewena tu mai na Under 19 ni RKS, me yacova na nona biu vuli, ka sa mai cola tu na i tavi ni bula ni tu e na koro, ia e sega ni cegu na yalona e gu tikoga me sasaga e na buturara ni qito rakavi, ka sa yacova sara e na dua na gauna sa nanuma kina me sa gole ki Nadroga, ka lai qito sara tu mai kina e na dua na kalavo mai Nadroga, ka yacova sara ni mai daramaka na siqeleti ni timi levu ni Nadroga.

E sega ni balavu nona qito tiko e na timi ni Nadroga , sa dua  sara na nona konitaraki ni qito i Ositetrelia, ka lai voli kina , me yacova sara ni sa lai cakacaka, vakawati sara, ka rawa sara na pepa ni lewenivanua e Ositerelia. E sa balavu na nona vakawati voli mai , ka sa tadu talega kina na i solisoli, ia e rau qai mai veibiu tale kei watina , ka sa qarava duadua voli ga o Tim e na gauna oqo na nona i solisoli.

VITI FM:92.2/92.0/92.4/92.6 FM-E-KAMICA-QAI-KAJI

VUREVURE:JIO VETAUKULA