SERE VOU-BUTO NA NOQU RAI-MATASERE-VUSO NI UA KEI UCUNINUKU

VUSO NI UA KEI UCUNINUKU-Na matasere oqo e cavu tu mai na lomanikoro vakaturaga mai Nacamaki, Koro mai Lomaiviti, ka lewena tiko na matasere oqo o Esava jnr Kobiti, Jack Kobiti, Samu Veitala kei Eliki Vakaloloma, ka katona na sere oqo ko Isireli Gumatua, e vuqa sara na nodratou sere ko ni sa dau rogorogoca tu e na nomuni sala ni kakaburaki na Viti Fm, ka ratou matasere kilai levu talega e na noda vanua.

BUTO NA NOQU RAI-Oqo na i talanoa ni sere kei dua na marama se dua na gone yalewa, e na nona mosita voli tu na dredre e lako curuma voli tu mai e na loma ni vitu na yabaki na nodrau veikilai voli kina kei na nona i tau, ka yacova mai na ka vitu ni yabaki sa dua na ka na nona dau mosita voli na veika e dau lako curuma voli mai , ia e na dua na siga sa vakila o Gone Yalewa oqo ni sa vaka me sa vakanaulu sobu tikoga na nodrau bula ni veidomoni ,baleta ni sa laki dodomo tale tiko o tagane e tautuba , ka sa dredre me ciqoma rawa na gone yalewa oqo.

E na dua na siga ni se tu sara tu ga e na loma ni nodrau vale kei nona i tau ,sa curumaki tale yani o nona karua o goneyalewa , ka kidacala o koya e na gauna oya ni sa raica na marama oqo sa veikau yani kei tagane ,ka me sa na lai sosomitaka na nona i dabedabe kei na veika kece me baleti gone yalewa , ka sa tucake ga vakamalua na gone yalewa oqo ka lakovata na wai ni matana kei na mosi, sa gole sara o gone yalewa ka laki soqona na nona i sulu lakovata tu na tagi ni yalona e na veika rarawa mai sotava tu vei nona i tau dina, ka dina madaga ni rau sebera ni vakamau, ka sa kerea kina o Gone Yalewa me buli walega na sere oqo me baleta na mosi kei na rarawa ni yalona e na veika e  vakayacora vua na nona i tau.

VITI FM:92.2/92.4/92.6/92.0 FM-E-KAMICA-QAI-KAJI.

I VUREVURE: VUSO NI UA KEI UCUNINUKU.