SERE VOU-CAGI NI DELAI YATOVA-VULA KATA BUTO.
Written by Mika Qalobula on July 5, 2023
CAGI NI DELAI YATOVA-Oqo na na Matasere ka kena iliuliu o Ledua Cakacaka,ka vuqa sara na nona Sere e taleitaki vakalevu ena noda vanua,ka vakatagitaki tiko ena loma ni nomuni sala ni kakaburaki oqo na Vitifm.
VULA KATA BUTO-Oqo nai talanoa ni Sere ka talanoataka tiko e dua sa sotava oti na kavoro kei na mosi ena nona taubale lako voli ena vuravura ni veivakarautaki oqo.
E vakamacalataka tiko o koya vei ira kece era se bera ni sotava ni lakolako ena vuravura oqo,eda na lako curuma kece na Kavoro se na Mosi,ka sala muria tiko yani na tawase ni loma ni vuvale se na nona mai yali na nomu ka talei e yasamu.
Na veivakadeitaki talega ena sere oqo ni sega ni oiko duadua ga o na sotavi Mosi se o Kavoro,ka da na sotava taucoko,ka vaka e tukuni toka ena qaqani sere oqo,”KE YALI BEKA NOMU DAULOMANI MAI DABE MADA ENA NOQU BARAVI,VULA KATA BUTO”
Na noqu baravi sai koya nai dabedabe sa lako curuma oti mai o koya e talanoa tiko ena sere oqo,ni sa vaka e sa raica na vula ni kata remoremo toka mai se sa kata buto.
VITIFM 92FM/92.2FM/92.6-EKAMICAQAIKACHI!
I VUREVURE-LEDUA CAKACAKA
