SERE VOU-CIRI VOLI-SOUTHERN WAVES

“SOUTHERN WAVES”-Na matasere oqo e dua na matasere vou ka sa qai matai ni nodratou sere oqo me vakatagi taki ena Vitifm,ka cavu tu sara mai na matasere oqo ena loma ni koro vakaturaga ko Dravuwalu,Naceva mai Kadavu,ka kenai liuliu tiko ko Ratu Jo Saulekaleka Kamanalagi.

“CIRI VOLI”-Oqoo nai talanoa nodrau veikilai e dua na  cauravou ni Vatulele ka a vuli ena koronivuli na Ratu Navula College e Nadi.

E rau a qai sota ena ivola mata kei na dua na goneyalewa ni Nananu,Taikita,Vatukaloko mai na yasana vakaturaga ko Ra,ka vuli voli e Vatukaloko Secondary School e Drauniivi mai Ra ena gauna oya.

Rau veitalanoa ga vaka gonevuli ka kerea o tagane me rau sota e Lautoka, laveti cake kina na veikilai kei na veilomani, ka sa mani yaco na gauna me sereki yani kina o tagane e Nananu se Taikita na koro nei gone yalewa me vaka ni so na cauravou ni Taikita ra vuli tiko e Rt Navula ena  gauna ya.

Sereki yani o tagane ka rau sa laki sota sara,ka sa dua na ka na veimaliwai ena veigauna kece ena siga ni sereki kei na nodrau dau sota.

Yaco na gauna me sa tekivu tale kina a vuli,enai otioti ni bogi ni sereki,erau sa veitalanoa ka veitataunaki ni rau sa na veitalatala sara tikoga ena mataka tarava.

Qai yadra mai o goneyalewa ena mataka ka tarava koya me sa gole yani laki vodo kina basi me gole e koronivuli,sa yali yani o cauravou,ka qai kila e muri ni nodrau veitalatala ga ena bogi ya,me sa laki moce o cauravou sa moce vakadua saraga.

Sa dua na ka na kena mosi vua na goneyalewa oqo ena veika sa yaco ka sa sega ni rawa ni cakava kina edua na ka, ka bolea saraga me lako kina soqo ni vakasuka qele,ka kauta na yagoi cauravou ki Vatulele.

Na tatadra kei na mosi nei goneyalewa koya lagati tiko ena sere oqo.

VITIFM 92.2FM/92.6FM/92FM.

VITIFM-E KAMICA QAI KACHII.