SERE VOU – DARU DEI – YANU BOYS
Written by Mika Qalobula on November 21, 2022
‘YANU BOYS’-Na matasere oqo e ratou lewena tiko o Saimone Qeleca Koroi mai Lamiti mai Gau,Tevita Guvukialau kei Seremaia Naurenaure,ka nodratou manidia tiko o Epi Nasarua,e dua na turaga ni Vanua levu.
‘DARU DEI’ – Oqo e dua sere ka taleitaki sara tiko ena gauna oqo,ka levu sara e ra dau vakamuria tale tu ga me vaka ni vakaciriloloma na qaqana.
E talanoataki e na sere qo na nodrau veikilai e dua na veitau gone i taukei,ka rau vakaitikotiko ruarua mai Niusiladi.Sa toso tiko na nodrau veikilai ka totoka sara na kena sokotaki na waqa ni nodrau veidomoni,ka yaco na gauna me sa vakarogoca kina o cauravou e levu na vosa me baleti gone yalewa ka laki vakavuna me yavavala kina na sokotaki ni nodrau waqa,me vaka ni vuqa sara na wekana era sega soti ni ra duavata ena nodrau sa mai veivosaki tiko.
Ia,e sa qai dau vakaraitaka ga vua o goneyalewa oqo me kakua ni dau vakarogoca na nodra vosa mai tuba,ka me rau toso tiko ga i liu me vaka ni rau sa veidomoni dina,ka vakaraitaka talega vua me rau ‘DEI’,ena nodrau dodomo.
VITIFM 92.2FM/92FM/92.6FM.
VITIFM-E KAMICA QAI KACHI!!!
SOURCE – YANU BOYS.
