SERE VOU-DODOMO MATABOKO-KABU KEI NADEREIVALU
Written by Samuela Turagatani on September 10, 2024
KABU KEI NADEREIVALU-Na matasere oqo e kena i liuliu tiko ko Bill Seru, ka vuqa sara na nona sere ko ni sa dau rogorogoca tiko e na nomuni sala ni kakaburaki na Viti Fm.
DODOMO MATABOKO-Oqo na kena i talanoa ni sere e dua na marama ni Vanuavatu mai Lau ka rau vakaitikotiko tudei mai Sikoteladi, ka yaco na gauna sa rau bucibucini me tara nodrau vale I Viti ka me sa vuka mai o tagane ki na noda vanua me caka na vale, ia Sega ni kila o marama na watina ni sa tiko tale yani na nona i karua e na noda vanua.
Sa yaco mai o tagane e na noda vanua ka sa tara sara na vale ka rau sa tawana vata tale tiko kei na nona i karua o gone yalewa ena gauna saraga qo. Ka vakayacani kina na I sere qo me DODOMO MATABOKO se Love Is Blind baleta ni a solia tu nona dodomo kei na nona dina, ia e seva ni qai mai vakamataboko taki voli tu.
Ka sa solia tale ga na marama qo vei turaga na watina na galala, ka sega tale ga ni via kila me vaka ni sa rawata vinaka o gone yalewa na nona vuli kei na cakacaka vaka talega kina na nona I vola tara, me vaka ga ni a lusi na nona I yau e na caka ni vale, ka vaka oqo kina nona i tukutuku ka volai tiko e na sere ,”Drau sa vakavuvale ka drau tawana,waraka namaka e na kati kemudrau na lawa”.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE:BILL SERU
