SERE VOU – ELENA KANAVAKATINI – SENIBUA KOULA

‘SENIBUA KOULA‘-Na matasere ka liutaka tiko na Turaga mai Burebasaga o Emosi Diani, ka levu sara na sere  ka dau bulia ka lagata,ka sa dau vaakatagitaki vakalevu sara ena VITIFM,ka lewe levu sara era dau taleitaka na qaqana kei na kena i lagalaga.

‘ELENA KANAVKATINI’-Oqo e dua na nona sere ena i ka 2 ni nona katokatoni kei na matasere na ‘SENIBUA KOULA’, ka talanoataki kina e dua na bula yaga nei  koya na marama mai Waivou mai  Rewa,ka vasu sara kina koro vakaturaga ko Naluwai,ena yasana vakaturaga ko Naitasiri .

E vakawati na marama oqo kina Tunuloa mai Vanualevu ,ka dua ga na luvena e tagane ka  yacana ko Peni mudu Silatolu.

Na sere qo e buli mei vakananumi ni nona bula bula ena vuku ni veiqaravi,veisusu,ka sega walega ena nona loma ni vale,ia,vei ira talega ka ra bau nanuma me ra laki lewena yani na nona vuvale,ka qaravi ira vakatautauvata kece ka sega vua na veivakaduiduitaki.

E a sucu ena i ka 11 ni Noveba ena 1976 ka mai kacivi na nona bula ni sivi na 7 ena 10 na miniti ena mataka ni Lotulevu nai ka 28 ni Okotova,2021,ka leqa ga ena nona i dabedabe ena loma ni basi ka vodo tiko kina ena nona i lakolako  ki cakacaka ki na United Apparel ,mai Nadawa.

Na kena kidacalataki e sega vakadua  ni tadrai ni sa wawa o mate ena loma ni basi ka sega tale ni qai lesu tale mai,ka ssa sega na sota  tale.

E na votai vakabibi na sere oqo e Waivou Rewa ena Kanavakatini Family,kei na turaga na watina o Taione Silatolu,ka vaka bibi vua na nodrau ulumatua,o Peni Mudu Silatolu.

Song Compose : Emosi Diani Vocal by Jesoni Tukana mai na SKK Sound Engineer : Freddy Sugar Studio : Dege Production Studio

VITIFM 92.2FM /92FM/92.6FM/92.4FM – E KAMICA QAI KACHI!!!

I VUREVURE – EMOSI DIANI