SERE VOU-GAUNA MOSIMOSI-CAKAU NI YALO

CAKAU NI YALO-Na matasere rogo e na noda vanua, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm, na matasere oqo e lagasere tiko kina o Semi Vaniqi, ka rau lagatavata na sere vou oqo na “GAUNA MOSIMOSI” kei Akisi Rokoqica, ia e vola ga na i talanoa ni sere ko Marika Vaniqi, ka katona ko Waisea Raiboso, ka qai mai biutavata na kena i yaloyalo na Soul Reef Production.

GAUNA MOSIMOSI-E buli walega na sere oqo me baleti ira na  Marama na  Tinada tabu saka yani, ka tekivu ni da se qai kunekunetaki mai, me yacova mai na gauna eda sa tamata qaqa kina,e dau lako curuma tu mai o Ira na marama na tinada e vuqa na veimataqali dredre kei na drakidrakita ni bula, ka yaco sara me so na gauna e dau tau vei ira e so na vosa me vaka yalolailai taki ira,ka beci Sara kina na nodra i tutu vaka tina, ia na loloma e solia o nau e sega rawa ni vakamelei rawa.
Na loloma, veimaroroi, veikaroni, kei na veivakamenemenei e dau cakava vei keda o ira na marama na Tinada se o noda Bu,eda na Sega ni dolea lesu tale vei ira,ka me vaka me vakatokai koto me noda dinau.

Sa mani buli kina na sere oqo me vakananumi walega kina o ira na marama tinada kei na liga ni veisusu vakatina eda a susugi cake mai kina, e na  veigauna mosimosi,kei na nodra veigauna ni marau e dua tu ga na loloma nei Nau.
Vinaka Nau.

VITI FM:92.2/92.4/92.0/92.6 FM-E-KAMICA-QAI-KAJI

I VUREVURE:MARIKA VANIQI