SERE VOU-IKO TU GA-VONO YAUYAU E DELAI NASIRIVA

VONO YAUYAU E DELAI NASIRIVA-Na matasere oqo e kena i liuliu tiko ko Jone Yalivakaloloma, ka cavu tu mai na loma ni koro ko Navuti mai Moturiki, e vuqa sara na matasere rogo era cavu tu mai na koro ko Navuti me vaka taki ratou na “Mudre Ni Cagi Kei Nasiriva” ka vaka talega kina na matasere oqo na “VONO YAUYAU E DELAI NASIRIVA”, ia na sere oqo na “IKO TU GA” e vola ga ko Jone Yalivakaloloma , ka ratou lagatavata na sere kei Eroni Tikoisuva ka vaka talega kina na voqa ni domo i Josese Tuicakau,e katona na sere oqo ko Adriu Saranuku e na volau ni katokatoni na Procera, ka biutavata na kena i yaloyalo na Qalicake Production.

IKO TUGA-Na sere oqo e bulia walega ko Jone Yalivakaloloma me baleti marama na watina, me vaka ni sa dua na gauna balavu nona kerea voli me volai e dua na kena talanoa ni sere, ka vola kina o Jone na i talanoa ni sere oqo se mani vakacava na dredre e na sotavi e na veisiga e na nodrau bula ni vakawati na nona dodomo kei na nona dina e na dei tuga vei marama na watina, ka buli kina me yaca ni sere “IKO TUGA” e na draki cava ga, ka me na tinia ga ko mate.

VITI FM:92.2/92.4/92.6/92.0 FM-E-KAMICA-QAI-KAJI

I VUREVURE: JONE YALIVAKALOLOMA