SERE VOU-JIO INA-YOUNGBLOOD.

YOUNGBLOOD-Oqo na Matasere,ka kena i liuliu tiko o Stee Vereakula,ka cavutu mai ena loma ni koro vakaturaga o Waitabu,Bouma mai Taveuni,ka Vasu ena loma ni koro vakaturaga mai Saqani,ka ratou lewena vata tiko na Matasere oqo kei ratou na cauravou mai na Koro e vakawati kina o koya,oya mai Nakorovou,Dreketi mai Rewa,ka vuqa sara na nodratou sere e taleitaki sara tiko vakalevu ena noda vanua,ka vaka talega kina mai vanua tani,ka vakatagitaki tiko yani ena nomuni sala ni kakaburaki na Viti Fm.

JIO INA-Oqo nai Talanoa ni Sere kei na dua ga na Tavalei Stee Vereakula,ka kerea o koya me buli dua na kedrau sere kei nona daulomani,ka me lagati rawa ni bera ni rau na Vakamau ena loma ni yabaki oqo.

Na cauravou oqo rau veitalanoa kei dua na goneyalewa ni Germany,ka yaca i goneyalewa o Lily Hennings,ka ratou vakaitikotiko na goneyalewa oqo ena dua na koro vakagalala ga kei Waitabu oya o Colocolo me vaka ni nona Bubu e Marama ga ni Waitabu mai Bouma e Taveuni.

E vakaraitaka tiko o Stee Vereakula ena Sere oqo ni Tagimoucia Damudamu e laurai mai Taveuni,ka tiko talega na Tagimoucia vula,ka vakabalebaletaki tiko vei na goneyalewa oqo baleta nio koya e Dra ni valagi ni Taveuni.

VITI FM 92/92.2/92.4/92.6 FM-E KAMICA QAI KACHI!

I VUREVURE-STEE VEREAKULA.