SERE VOU-KAMA YAVU-CAGI NI DELAI YATOVA
Written by Samuela Turagatani on July 18, 2024
CAGI NI DELAI YATOVA-Na matasere rogo e na noda vanua, ka kena i liuliu tiko ko Ledua Cakacaka, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti FM.
KAMA YAVU-Oqo na sere ni kena vakayatuyatutaki kina na nuiqawaqawa ni dau vakanadakui na dina e so e dau soli e na gauna ni veivosaki.
Ni talanoataki na veivosaki se veidomoni, daru sa na raitayaloyalotaka saraga e dua na wavu kei na dua na waqa e na gauna sa sere dali kina o waqa, sa laki ciri kabukabu sa qai lutu na vadigagalu ni galili e na dela ni wavu ya.
E vude na vakanomodi sa qai vakayatuyatutaki e na qaqa ni sere na ka e sota kaya na wavu vakaciriloloma oya ni sa lala ka vagagalu tu.
Na i taletale ni sereĀ e viviga vakamagimagi na i lutua ni sere, ka vaka toka oqo na kena bati ni kula
Sobo na dodomo
Ni yalo sa kavoro
Vei iko e ka wale beka ga
Isa na utoqu
E vurumemea
E kamayavu e na mosi noqu lewa
VITI FM:92.2/92.0/92.4/92.6 FM-E-KAMICA-QAI-KAJI
I VUREVURE:LEDUA CAKACAKA
Reader's opinions
Continue reading
![Thumbnail](https://vitifm.com.fj/wp-content/uploads/2024/07/18ca015fc4f64a5b9282e186e790eebbElection_2024_RNC_39496.jpg)