SERE VOU-KATOA NI DOMO-MOUNTAIN BREEZE BOYS
Written by admin on February 21, 2023
“MOUNTAIN BREEZE BOYS”-Na matasere oqo e ratou cavutu sara mai ena loma ni koro vakaturaga ko Navai mai Naitasiri,ka iliuliu tiko ni matasere oqo ko Lepani Mudunaivalu.
“KATOA NI DOMO”-Nai talanoa ni sere oqo e baleta e dua na bula ni veitau,ka tekivu ni nodrau veidomoni ena mona livaliva. Sa daumaka kece tu na veidomoni ni se qai vakarau soko taki nodrau waqa ni dodomo,ka rau sa dau veitalanoa taka me yaco na veisotari.
Ena veigauna kece erau dau sota kina, sa vaka me tubu cake ga na kaukauwa ni veimositi,ka sa yaco mai na gauna me sa sureti goneyalewa o cauravou me rau lako mada i na nodratou i tikotiko, ka me lai sotavi rau na nonai tubutubu kei ira kece sara na wekana vale.
E rau sa laki tiko voli ena i tikotiko nei tagane,sa qai dau siqema tiko o goneyalewa ni ra sa sega ni taleitaki koya tiko na wekai tagane,ka lako vata kei na vosa era dau tukuna vua ni ra sega ni taleitaka na nodrau veidomoni.
Ena dua na siga sa vakaraitaka na lomana o goneyalewa vei cauravou ni sa gadreva me sa rauta na nodrau veidomoni ka me sa cava sara e kea,ka me sa cavuka talega kina na nodrau veikilai,sa qai tukuna vua o cauravou: “I NOQU LEWA AU KEREA MO KUA NI TU VAKASUKA SE MO ROGOCA TALE NA VOSA NEI DUA,KA MO ROGOCI AU GA,ME VAKA NI SA BALAVU SARA MAI NA NODARU VEIKILAI KEI NA NODARU VEIDOMONI,SE VEITALIA NA VOSA ENA ROGO MAI AU NA DAU DOMONI IKO TU GA”.
VITIFM 92.2FM/92.6FM/92FM.
VITIFM – E KAMICA QAI KACHII.
