SERE VOU – KINOCA – VOQA KEI MUNIA
Written by Rosena Volavola on November 14, 2022
‘VOQA KEI MUNIA’ – Na matasere oqo e liutaka ko Josateki Wainiqolo na cauravou ni Avea mai Vanuabalavu,ka sa vakaitikotiko mai na vanua levu o Amerika.
‘KINOCA’- Oqo na e dua na nona sere vou,ka talanoataki kina e dua na veidomoni ka bucini ena mona livaliva.
O gone yalewa e vakaitikotiko mai vavalagi,ka tiko voli ga e Viti o cauravou,ka yaco na gauna me sa kaukauwa kina na nodrau veivinakati,ka sa cakacakataki sara me sa gole yani ki valagi o cauravou me rawa ni rau laki sota.
E na gauna sa vakarau biubiu kina o cauravou,sa qai loma tarotarotaka voli o koya se na rairai vakacava beka,nai vakatagedegede ni nona laki ciqomi mai vua na nona i Tau,me vaka ni rau veikilai tu ga ena mona livaliva.
Nai lakolako oqri,e qai kidacalataka ka sega vakadua ni vakabauta nai vakarau ni veiciqomi,ka vakarautaka vua o goneyalewa na veika taucoko kece sara e gadreva,ka laki lomani koya sara vakalevu,me vaka e talaucaki tiko en qaqani sere,-(Toba maravu au kele kina niko veikaroni dear osobo au rui druka dina),ka sa qai vakadinadinataka o tagane ni sa i nona daulomani dina saraga qo.
E vica toka nai vosavosa vaka viti toka ena sere oqo me vaka na -( Vatu lei ni dodomo E mai danuwaci au, Se uci wai e rui kamikamica Au wilika meu KATOA Niu mai donumaki iko Noqui tatau me daru dei ena dina)
VITIFM 92.2FM,92FM,92.6FM.
VITIFM – E KAMICA QAI KACHI!!
Source – Josateki Wainiqolo.
