SERE VOU-KOCOKOCO NI LOMAMU-MALUMU NI TOBU KEI NAIVAUKURA
Written by Samuela Turagatani on June 25, 2024
MALUMU NI TOBU KEI NAIVAUKURA-Na matasere rogo e na noda vanua, ka kena i liuliu tiko ko Jio Vetaukula, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm, ia na sere oqo na “KOCOKOCO NI LOMAMU” e vola ko Jio Vetaukula, ka rau lagatavata kei Semi Kaitani.
KOCOKOCO NI LOMAMU-Oqo na kena i talanoa ni sere e dua na cauravou ni vualiku kei Tailevu. Na cauravou oqo e vakawati tudei tu e Viti ka sa vakaluveni talega ni bera nona gole yani ki na vanua levu ko Ositerelia e na vuku ni cakacaka, e sa balavu nona tiko mai kea , e sa vaka me siqema tiko ni lasa tiko o marama ka tiko mai Viti, e na veigauna kece me dau qiri yani kina vei vu ni marama e Viti , e dau tukuna vua o marama na watina ni taucoko vinaka tiko na bula kei ratou na gone, me yacova sara na gauna e qai rogoca kina o cauravou ni sa lasa i tuba o marama na watina mai Viti
Era sega ni dau kila o ira e ra cakacakavata kei na cauravou ni Tailevu oqo, na veika e sotava tiko, e na so na gauna e dau lewa ga na tani na kena tuturu vakasauri na wai ni matana e na gauna me dau vakasamataka kina na matadra na luvena, ka vaka kina na levu ni lavo ka dau vakau tiko vei vu ni marama e Viti me qaravi vinaka kina na vuvale, e sa qai mai kila na dina o cauravou, ni sa i lavo kece oya e dau laki vakayagataki tiko vei nona lasa i tuba, ka sa buli sara kina me yaca ni sere “KOCOKOCO NI LOMAMU”.
VITI FM:92.2/92.0/92.4/92.6 FM-E-KAMICA-QAI-KAJI
I VUREVURE: JIO VETAUKULA
Reader's opinions
Continue reading
![Thumbnail](https://vitifm.com.fj/wp-content/uploads/2024/06/Screenshot-2024-06-26-222350.png)