SERE VOU-LAWX B TABUCALA-VOSADRUGU FAMILY.

LAWX B TABUCALA-Oqo na Cauravou,ka kilai levu ena noda Vanua ena buturara ni veivakamarautaki kei na lagasere,ka vuqa sara na nona Sere e taleitaki sara tiko vakalevu ena noda vanua,ka vaka talega kina mai vanua tani me vaka na MOKU ENA MOSI,YALI VAKADUA,LOLOMA MAI NA COLO,ka vakatagitaki tale tikoga ena nomuni sala ni kakaburaki na Viti Fm.

VOSADRUGU FAMILY-Oqo nai talanoa ni Sere me baleta na nodratou vosota voli mai na bula ni dredre, oca kei na tagi na vuvale na Vosadrugu ka sa mai yaco me sa vaka votukana tu ni kua,ka ratou a tuberi ka susugi mai na veitacini oqo ena loma ni koro vakaturaga o Naweni mai savusavu e vanua levu,ka vuqa na Bula dredre dina ratou curuma mai ka ni ratou dau sasagataka tuga na bula ni nodratou vuvale ena veisiga.

E ratou lewe 10 kece vaka veitacini, 3 na yalewa ka 7 na tagane,ka dina madaga ni  so veiratou ra liu yani ena bula ka tarava  ia e ratou sa tamusuka oti na vuwani vosota voli mai,ia dina ni sa mai  yali na nodratou i tubutubu marama, ka mositi i ratou sara vaka veitacini ni sega ni bau vakila valailai na vuwa ni nona veisusu,ka  ratou a diva wale tu ga ke a se bula tu me bau vakila na vinaka ni veisusu e a qarava mai vei ratou.

Na nodratou vosa ga ni veivakayaloqaqataki na veitacini oqo vei keda ni vei taudaku kece ni dredre ena tiko kina na vinaka,ka na sega ni na tau tu ga na uca se buto tu ga na bogi.

VITI FM 92/92.2/92.4/92.6 FM-E KAMICA QAI KACHI!

I VUREVURE-LAWX B TABUCALA.