SERE VOU-LEILA-TUMUDU, JIATALEI & BALE KOROI

TUMUDU, JIATALEI & BALE KOROI-E ratou cavu tu mai na koro ko Mavana Vanuabalavu Lau, ka ratou sa vaka i tikotiko tudei mai Brisbane Australia.

E katoni na sere oqo ena Tumudu Music and Media Productions mai Brisbane Australia, kei na Aotea Music Production Studio nei Manu Railoa e Viti.
Sa rawa talega ni saravi ka rogoci ena Tumudu Music 🎶 and Media Productions official Youtube Channel kei na official Facebook page.

LEILA-Na i talanoa ni sere oqo, e dua na veidomoni e a sega ni yaco.

Na Cauravou qo e a sotava e dua na goneyalewa totoka ni Arapea na yacana o LEILA.

Note: (The meaning of the name LEILA is daughter of the night in Hebrew an Arabic.)

Na i matai ga ni nona raici LEILA na cauravou qo, (nona “crush”) na kena i tukutukuni beka vaka Peretania,

Sa mai vaka vuna na nona toqa ki utona ni sai koya saraga qo na nona daulomani me rau sa na vakamau ka bucina vata e dua na Vuvale vou.

Ia na kena seva ni a sega madaga ni rau bau veitalanoa vakadua kei LEILA ena dua na gauna.

Na i talanoa e seretaki tiko qoka, E vaka saraga ni rau sota dina, rau sa tiko vata talega ka yacova na nodrau veibiu me sa gole lesu ko LEILA ki na nona matanitu.

E wawa voliga na cauravou qo.
E sa laki vakawati ko LEILA ka vakaluveni ia e sa wawa voliga na cauravou qo ena kavoro ni utona ni veidomoni e a sega madaga ni bau yaco vakadua.

Nai otioti ni qaqani sere sa qai tukuna toka o Cauravou,

“AU NA WARAKI IKO,
LEILA MO QAI NANUMI AU”.

Isa sa qai nanuma na cauravou qoka me buli e dua na sere me i vaka nanumi ni nona veidomoni kei na dua na goneyalewa totoka ni ARAPEA ka a sega ni bau yaco vakadua.

VITI FM:92.2/92.4/92.6/92.0 FM-E KAMICA QAI KAJI

I VUREVURE:BALE KOROI & TUMUDU