SERE VOU-LOMANI-MATASERE-WAIKATAKATA VURE E DELA NI NUKU VULA

WAIKATAKATA VURE E DELA NI NUKU VULA- Oqo e dua na matasere rogo sara e na noda vanua ka kena i liuliu tiko ko Maciu Salauca , ka vuqa sara na nodratou  sere ko ni sa dau rogorogoca tiko e na nomuni sala ni kakaburaki na Viti Fm , Ia na noda sere vou e lagata ka vola o Lemeki Tunidau ,ka katona na sere oqo ko Freddy Suka e na volau ni katokatoni na Dege Production.

LOMANI- Oqo na i talanoa ni sere me baleta na nodrau a veitalanoa voli mai e dua na Cauravou kei na dua na Gone yalewa ni Rewa .E a cakacaka voli ga mai vanuatani o Cauravou ka sa balavu sara na nodrau veikilai kei na veitalanoa kei Gone yalewa ka sa bucini kina e dua na yalo ni veidomoni  me yacova sara na nodrau lai bucina e dua na i solisoli.

E sa toso tiko na gauna ka vaka me sa luluqa mai na nodrau veidomoni me yacova ni liwavi tagane na cagi tokavuki dau veivakacalai ka vuni nona butu cala, ka sa mai cava talega kina na nodrau veidomoni voli mai kei Gone yalewa ka dina ga ni sa tu na i solisoli ,ka dina ga ni sa vakawati tale o Cauravou ,ia e dau mositi koya tu ga na luvena. E buli walega na sere oqo me i vakananumi wale tu ga ni veidomoni e na dua na gauna.

VITI FM:92.2/92.6/92.0 FM-E-KAMICA-QAI-KAJI

I VUREVURE:LEMEKI TUNIDAU