SERE VOU-LUSI MATE WALE-THE WEST FIJI
Written by Mika Qalobula on April 2, 2024
THE WEST FIJI-Na matasere rogolevu sara e na noda vanua ka kena i liuliu tiko ko Suliasi Uluilakeba, e vuqa sara na nodratou sere o ni sa dau rogorogoca tiko e na nomuni sala ni kakaburaki na Viti Fm. Na sere vou oqo e vola ga o Suliasi Uluilakeba ka katona talega e na volau ni katokatoni na Baka Production Fiji.
LUSI MATE WALE-Oqo na kedrau talanoa e dua na Veitau, ka rau se veitau voli mai e na loma ni 4 na yabaki sa oji, ka yaco na gauna me gole o cauravou me laki cakacaka ki vavalagi, ka mosimosi dina na nodrau veitalatala.
E toso tiko na gauna ,sa lai oti e 4 na vula sa siqema o cauravou ni sa veisau sara vakalevu o nona I tau e tiko voli yani e viti, ka sa qai dau vaqaqa voli se cava e vuna, ka yaco na gauna me sa lesu tale vei cauravou na i talanoa me baleti goneyalewa ni sa laki vakawati tale.
Na mosi ni yalo i cauravou oqo e na veisiga yadudua me lai cakacaka, e na tikoga ga na gauna sa sega ni lewa rawa na drodro yauyau tu ni wai ni matana.E buli walega na sere oqo me i vakananumi tu ga ni veika e mai lako curuma o cauravou oqo.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE:SULIASI ULUILAKEBA
