SERE VOU-MARITINA-TAUVU TRIBUTE.

TAUVU TRIBUTE-Oqo e dua na Matasere,ka rogolevu sara ena noda Vanua,ka kena iliuliu tiko o Sauma Masidilo,ka vuqa sara na nodratou sere a taleitaki sara vakalevu ena noda Vanua,ka vakatalega kina mai vanua tani,ka vakatagitaki ena nomuni sala ni kakaburaki na Viti FM.

MARITINA-Oqo e dua na goneyalewa,ka cavutu mai ena loma ni koro vakaturaga o Yasawa mai na Tikina o Saqani ena Yasana ko Cakaudrove,ka tubucake mai ena loma ni koro vakaturaga ko Navetau mai Saqani,ka talanoataki ena Sere oqo na nona mai Leqa.

Na Goneyalewa oqo e a vuli mai e Natadra District School oya mai Saqani,ka dewa e Bucalevu Secondary School ena kena laki tomani na Fomu 3 kina Fomu 7,ka dewa sara e FNU Nasinu ena vuli Qasenivuli,ka gone taleitaki sara vakalevu vua na Turaga na Tamana.

Ia,mani cava na vuli torocake mai na FNU e Nasinu,ka sa nanamaki na vuvale ena siga ni tauri vola,ka gole sara mai orau na nona i tubutubu mai Vanualevu ki Suva  me na mai qaravi na Soqo se kakana me baleti koya ni na oti mai na Tauri Vola.

E ratou maqusa vakavuvale ena mataka ni siga koya me rataou vakusakusa yani ena vanua e vakayacori kina na Tauri i vola ena siga koya,ka sa dua naka na nodratou Marau,ia ena gauna e ratou sa yaco ena vanua ni tara i vola,dede vakalailai na nodratou dabe toka sa duri na goneyalewa oqo,ka biuti rau toka mai na nona i tubutubu ka kaya vei rau ni se gole ena vale ni vakacegu ena nona gole mai oya rau sota kei dua na nona i tokani,ka solia vei koya na nona salusalu kei na nona talevoni ka kere2 sara vua na nona i tokani me qai laki solia vei rau na nona i tubutubu.

Dede na nodrau dabe toka na i tubutubu sa vaka me rau liaca ni sa yali na nodrau Senirosi,ka rau mani waraka toka me bbau lesu yani,ia sa sega saraga me yacova ni sa qaravi oti kece na tauri vola,ka sa tekivu me rau sa vakatataro,ka rau veiqiriyaki sara mai ena nodratou vuvale me rau vakataroga kina.

Ia,mani vakayacori na vakaqaqara ena sigalevu ni siga koya,ka se yali ga,mani yakavi ka mai,ka sa vakila toka e yalona na turaga na Tamai goneyalewa oqo nio koya sa voleka mai vale,ia oji mani curu i tuba ka nanuma o Tamana me na raici koya ni mai vunitaki koya beka toka ena dua na vanua,qai kidacala o tamana ni rai yani ena nodratou dakuni vale ga sa lili matemate tu kina na nona Senirosi ena loma ni nona vuvale.

Ia,me yacova mai ena gauna oqo e ratou se vakataroga lo voliga na nona vuvale se cava levu sara e sa rui vakamosiya na yalona me vuna na nona mai kauta laivi vaka taki koya ga na nona Bula,ka ratou qai kerea walega me buli na sere oqo mei vakananumi walega ni nodratou Senirosi ni loma ni vuvale.

VITI FM 92/92.2/92.4/92.6FM-E KAMICA QAI KACHI!

I VUREVURE-SAUMA MASIDILO.