SERE VOU-MO MARAU-THE WEST FIJI

THE WEST FIJI-Na matasere rogo e na noda vanua, ka kena i liuliu tiko ko Suliasi Uluilakeba, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm.

MO MARAU-Na i talanoa ni sere oqo e vola ka katona e na BAKA PRODUCTION o Suliasi Uluilakeba.

E vaka toka oqo na kena qaqa ni sere:

Dau reki taki ga na waqa vou
Na i rairai ni bula au mai raica
Dredre mo dau kauwai
Na vei dina au solia
Ka wale e mataqu noqu dia

Ciri na yaloqu me vaka na o
Nuiqawaqawa, vakatataro lo
Cava beka sa i rogo?
Lomani veidomoni qo
Nodaru veivosaki sa mai tatao

Vorolaki au, na nomu i vakarau
Sa vaka me seavu na dodomo
Noqu i tau
E tagica na yaloqu, mo bau
Tukutuku mai vei au
Meu solia na galala mo marau

A i vakamate na tu lala
Vaka meu titiro e na iloilo buwawa
Veivakabauti rui bibi
Ko qai sereka daulomani
Rui dredre lei na tu veiyawaki

Laki moce daulomani meu sa suka
Duidui sala daru sa na dui muria
Ke tu beka noqu cala
Mo vosoji au sara kina
Au na vunia lo na mosi qo
Me kua ni basika

VITI FM:92.2/92.4/92.6/92.0 FM-E KAMICA QAI KAJI

I VUREVURE:THE WEST FIJI