SERE VOU-NA DODOMO QO-DOMO KAMICA KEI WAISILIVA
Written by Samuela Turagatani on August 14, 2024
DOMO KAMICA KEI WAISILIVA-Na matasere oqo e cavu tu mai na koro ko Vatani, Kaba mai Bau , ka lagasere tiko kina ko Savenaca Tuivanuavou kei Bill Seru. Na sere oqo “NA DODOMO QO” e vola na kena i talanoa ko Savenaca Tuivanuavou
NA DODOMO QO-Na i talanoa ga ni sere me baleta e rua na veiwatini , ka qai yaco na gauna me sa tekivu lasa kina o marama na watina, ka bucini se tauyavutaki nodrau veidomoni e na koro o Kaba.
E dua na ka na nona dodomo dina o vuni turaga qai seva ni mai lasa vuni voli tu o vuni marama, ka yaco na gauna me sa tekivu toboka tiko mai o cauravou na nona lasa o marama na watina, ka tarogi koya vakavica, ia e vunitaka voli tu ga se cakitaka voli tikoga o goneyalewa.
E yaco sara na gauna me sa mai tasere kina nodrau vuvale lomani, ka mani kerea kina o turaga na watina ke me buli walega e dua na kena sere me baleta na rosi vakavotona a mai domona voli qai yaco tale me mai veivotoki.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE:DOMO KAMICA KEI WAISILIVA
