SERE VOU-NA MAVOA NI YALO OQO-VESI KEI NAIRIKILAGI”

“VESI KEI NAIRIKILAGI”– Oqo e dua na matasere vou ka liutaka tiko o Joe Matai, ka vuqa sara na nona sere e taleitaki sara vakalevu e na yabaki sa oti me vaka na NOQU DAULOMANI kei na sere TAVALEQU.

“NA MAVOA NI YALO OQO”- Na sere oqo e rau lagata vata o Joe Matai kei Taitusi Mareau, ka talanoataki kina e dua na goneyalewa ni Yasawa a vawati sara ki na dua na koro ka toka ena baravi mai na yasayasa vaka Ra.

E rau sota ena dua na Carnival e Sigatoka ka rau veitalanoa ka  bucini kina na nodrau veikilai, ka yaco na veimositi kei na veidomoni e na kena kaukauwa duadua.

Ni toso tiko nodrau veikilai kei na veivakabauti ka yaco sara ni rau sa bucina me rau vakamau,ka me rau sa duabau. Ia, ni oti walega e vica na vula, sa vaka me veisau nai vukivuki nei vuni turaga.

Sa seavu yani na nona dau vakamenemenei gone yalewa, ka tubu na veiba kei na veivala ka yaco sara ena nona dau vaculaki goneyalewa.

Sa qai dau lomatarotaro taka tu o goneyalewa, se cava beka e leqa? Se cava e vuna?. e se vosota voli tikoga kina nai tovo veivakalolomataki, veivakatotogani ena loma ni 5 na yabaki  me yacova sara ni vakasa I valenibula,ka voleka sara me kacivi nona bula..

E sa dau qai qaqa ni nona masu lo tu e na veisiga.’ Isa, e cava beka na vuna Turaga’ ‘ Turaga sa rauti au oqo”.

Sa qai bucina me dro tani yani me rawa ni bula kina, ka kalougata ni a qai dro rawa ki nona delaniyavu ka dreketa tu yani na mosi, rarawa kei na kavoro ni bula, ka sa qai kerea kina me buli na kena sere.

VITI FM 92.2 FM/92 FM/92.6 FM.

SOURCE: JOE MATAI