SERE VOU-NACA RE I NENE BURA-MUDRE NI CAGI KEI GUSUITUVA

“MUDRE NI CAGI KEI GUSUITUVA”-Na matasere e vuqa sara na nodratou sere e dau vaka tagi taki ena Vitifm ka ratou bau vakaitavi talega ena porokaramu na “VITI FM VOSA NA WA QAQANA DINA”,ka ratou  cavu tu sara mai ena loma ni koro vakaturaga ko Vusama,ena Tikina o Malomalo ena yasana vaka turaga ko Nadroga,ka kena i liuliu tiko ko Rusiate Haudai.

“NACA RE I NENE BURA”-Na sere oqo e vaka e kaya tiko o tagane vei goneyalewa-Na cava sara mada au cakava ka vuni nomu biuti au?

Oqo na kedrau i talanoa e dua na cauravou ga ni Nadroga kei na dua na goneyalewa talega ni Nadroga e rau a sota ka veikilai yaco sara me rau sa bucina e dua na matavuvale vinaka.

Sa toso vinaka sara tu ga na nodrau bula ni veidomoni sa vaka me siqema mai o tagane ni sa vaka me duatani tikoga mai nai vukivuki nei goneyalewa,ka sa vaka me siqema  ni sa sa sega ni qai dau vaka e liu na nodrau dau veimaliwai kei na nodrau veitalanoa kei na veidomoni.

Ena dua na siga qai lialiaci o tagane sa yali o goneyalewa,ka sega tale madaga ni bau tatau se vakamoce vua,ka biuta saraga na nona dodomo dina ka sa laki dodomo tale ki vua edua tale na tagane.Oqo sa qai vakadeitaka o tagane ni a dina ga na nona sa siqema tiko mai ni sa duatani tikoga mai nai vukivuki nei goneyalewa na nona dodomo dina.

E vaka toka oqo na sere-

CHORUS-

NACA RE I NENE BURA-CAVA E CA AU CAKAVA
E LAMAI VUNI LEMU LA-E MAI VUNI NOMU LAKOREPEAT

OTIOTI NI QAQANA-

LEQU I TATAU I VUAKO MO NUMIA-NOQUI TATAU VEI IKO MO NANUMA
MATANIWERE E DANI HOGO VAHILA-NA MATANIKATUBA E SEGA VAKADUA NI SOGO,,,
E DOLA TU 24 NA YAUWA
I VUAKO INA VEIHIGA-VEI IKO ENA VEISIGA.

VITIFM 92.2FM/92.6FM/92FM.

VITIFM-E KAMICA QAI KACHII.