SERE VOU-NAQALI DEPOT-VEIVUETI NI WAINAMOLI
Written by Samuela Turagatani on July 30, 2024
VEIVUETI NI WAINAMOLI-Na matasere rogo e na noda vanua,ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm, na matasere oqo e lewena tiko ko Moave Katirewa kei Asivurusi Nacovurua, e vola na i talanoa ni sere vou oqo ko Moave Katirewa, ka katona ko Adriu Saranuku.
NAQALI DEPOT-Oqo na kedrautou sere ga na matai lawalawa ka ratou dau qarava voli na gaunisala ni veitosoyaki e na loma ni yasana ko Naitasiri e na vuku ni tavi levu ratou dau qarava ka uasivi na kena sagai me taladrodro vinaka tu ga na nodra veitosoyaki na lewei Naitasiri.
Na nodratou veiqaravi e vakatekivu sara mai na Sawani Serea Road ka me lai yaco sara e na vanua vure tiko mai kina na livaliva mai Monasavu se na Wailoa Road, ka vaka talega kina na Nabukaluka Delailasakau Road kei na gaunisala ka ra tavutu kece e na Wainibuka river.
E buli walega na sere oqo mei vakananumi mei dole wale tu ga ni tavi levu ratou vakaitavi taki ratou kina.
Dau nodratou i bole tu na matai lawalawa qo nai vosavosa qo me vaka ni ra gone kece tiko ga ni yasana o Naitasiri…O KITOU QOI MAI COLO DO KISI KABA MAI..
VITI FM:92.2/92.4/92.6/92 FM-E-KAMICA-QAI-KAJI
I VUREVURE:VEIVUETI NI WAINAMOLI
