SERE VOU-NODA I TOVO-MATASERE-SULIASI KOROIRAVULA
Written by Mika Qalobula on December 28, 2023
SULIASI KOROIRAVULA-Na turaga oqo e vola ka lagata na sere oqo na “NODA I TOVO”,ka katoni na sere oqo e na S.T.R. SYDNEY Studio, ka biutavata na kena i vakatagi o Wise Rogoyawa.
NODA I TOVO-Na sere me baleta saraga na i tovo vakabibi vei keda na kawa I-Taukei , e na kena sa mai yali vakamalua tiko yani na ka keda kilai tani kina sa i koya na i tovo, e dau tukuni tu e na dua na vosa vaka peretania na vosa oqo, “Fiji the way the world should be”. Na nodra bula na luveda e ka bibi vei keda na i tubutubu dauniveisusu mera vakatavulici tiko na gone e na i tovo.
E rawa ni da na vakasamataka e na gauna e liu , o ira na noda qase na nodra dau cakacakavata kei na nodra dau rokova o ira e ra qase cake vei ira, na i tovo e tekivu saraga mai na nona vakavulici e dua mai na nona sucu mai me yacova na nona vakawati, ka dua na ka bibi mera kila na i tovo baleta e na kauti ira voli ka solia talega e dua na i boi se na i rairai e na loma ni matavuvale e na veivanua soti era na lakova.
E vuqa sara na veika e sa yaco tiko mai e na noda vanua ka sa vu tiko ni kena sa luluqa tiko yani na i tovo me vaka na volamata,tik tok kei na veika era sarava na luveda e na raitio yaloyalo, ia e yaga meda na cakacakavata kina na tubutubu dauniveisusu,Vanua kei na lotu e na vuku ni kena kau lesu tale mai na noda i tovo ka keda kilai tani kina na kawa I-Taukei.
VITI FM:92.2/92.4/92.6/92.0 FM-E-KAMICA-QAI-KAJI.
I VUREVURE:SULIASI KOROIRAVULA.
