SERE VOU-NOMU LASA-THE WEST FIJI

THE WEST FIJI-Na matasere oqo e kena i liuliu tiko ko Suliasi Uluilakeba, ka vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm, ia na sere oqo na “NOMU LASA” e vola ga ko Suliasi Uluilakeba e na yabaki 2018, ka sa qai qai katoni ga e na yabaki oqo e na Baka Production, ka katona ko Suliasi Uluilakeba.

NOMU LASA-E buli walega na sere oqo me baleta na bula ni lasa ka ra dau sotava o ira na vaka i tau se vakamau,e na gauna me dau lasa kina i tuba o cauravou se o Gone yalewa, ka vakayatuyatutaki tiko e na qaqa ni sere oqo na veika kece e dau lako curuma tu o cauravou se ko gone yalewa e na gauna e kavoro kina na veidinadinati ni nodrau veitalanoa se veidomoni.

E vakatoka oqo na qaqa ni sere :

Mai bikai au na mosi ni yaloqu
Na kavoro dredre me na cegu
Mai biligi tani, noqu dodomo
Vakawaleni wale tu ga

Sa balavu dina mai na veikilai
Nanuma mo na dina vei au
Noqu dina kece, ko taukena tu
Ko Sega ni bau lomani au

CHRS
SOBO AU KAVORO VAKACA
NOMU LASA SA CEREKI KECE MAI
IA NA LASU KO BULIA
SA RUI TUITUINA QAI
VELAVELA NA KENA I RAIRAI

Veika ko dau gadreva mai vuni yalomu
Au biu kece e matamu
Sega ni Bau nanuma, noqu oca tu
Mo marau ka Sega na rubu

Na tagi ni yalo qo me cegu e vei
Sobo au vakasesei
Bula veilecayaki, kau kidava bera
Sa Sega, Sega mai na betena

CHRS

SOLO

Solia na galala vei iko me nomu
Nomu I tovo sa rauti au
Divadiva ke lesu, tale na gauna
Me kua ni daru sota Buna.

VITI FM:92.2/92.4/92.6/92.0 FM-E-KAMICA-QAI-KAJI

I VUREVURE: THE WEST FIJI