SERE VOU – NOQU KAMUNAGA – MALUMU NI TOBU KEI NAIVAUKURA.
Written by Mika Qalobula on September 16, 2022
‘MALUMU NITOBU KEI NAIVAUKURA’-Na matasere oqo e sega ni ka vou vei keda me vaka ni ratou sa kilai levu tu ena noda Viti ena buturara ni veivakamarautaki,ka liutaki ratou tiko na cauravou ni Nasau mai Koro,o Jiosefa Vetaukula.
‘NOQU KAMUNAGA’-Oqo e dua na nodratou sere vou ka se qai tavoci ga nikua ena ‘NEW BORN’,ka talanoataki kina e dua na veikilai na tekivutaki ena mona livaliva.Na veikilai oqo,e qai laki yaco sara me rau laki veidomoni,ka vakaitikotiko mai Malevani mai Ositerelia o cauravou,ka tiko sara mai American Samoa o goneyalewa.
E rau sa veivakadonuya vata me rau sota ka rau sa dui vakavakarau mai kina ni sa na dua na sota mosimosi dina,ia e qai mai takoso ne mate ka veidewavi voli ena noda vuravura,sai koya na Covid-19,ka mai vakadaroya na i tuvatuva kece oqori.
Ni sa vakadredretaki na veilakoyakli ena noda vuravura,sa mositi rau sara vakalevu,ka sa qai tukuna o Cauravou vei Gone yalewa me kakua ni leqa,‘Au na yaco yani au na laki vauci iko, kau na kauta yani na Noqu kamunaga. ‘
Na sere oqo e rogo tale tiko ga kina na domo i Jesoni Tukana,nai liuliu ni matasere na ‘SENILAGAKALI KEI KOROILAGI’.
E rawa nio rogoca talega na sere oqo ena VITIFM 92.2FM,92FM kei na 92.6FM.
VITIFM- E KAMICA QAI KACHI!!!!!
Source – Jio Vetaukula.
