SERE VOU-NOQU LEWA-MALUMUVATU NI TUVUKARAWA

MALUMUVATU NI TUVUKARAWA-Na matasere oqo e ratou lagata na sere vou oqo na “NOQU LEWA”, ka rogoci tale tikoga kina na voqa ni domo i Bill seru. E rawa ni o na sarava na kena i yaloyalo e na vatavata ni YOU TUBE, ka vaka talega kina na kena i vakamacala e na Viti Fm FB Page.

NOQU LEWA-Na i talanoa me baleta nodrau veidomoni voli mai e rua na vei tau ,o cauravou e gone ni Vanualevu, o yalewa e gone yalewa ni ovalau ,mai vagadaci,o rau na vei tau qo e rau a qai mai sota tu e na dela ni nodrau kavoro oya e na kena sa mai tamusuki koso na bula ni nodrau dui matavuvale, ka rau sa mai bucina me cavu nai kelekele me rau sokota na wasawasa ni veidomoni.

E dua na yabaki vula 8 na nodrau veitau voli mai ,levu na drakidrakita ni bula rau sotava ,voravora nodrau soko ,cagi tataba kei na veiwakani kau ni vosa e saga tu me basuraka nodrau veivinakati,yaco na gauna  e sa vaka me yalolailai o vuni turaga, ka sa tekivu me kalawaci nai lati ni nodrau veivinakati kei vuni marama ,ka dina ga  ni a vaka koya o vuni turaga ia o vuni marama e vosota voli tuga ,ka sa nona I yau wale tuga na tagi ,mosi ,kei na rarawa, yaco na gauna me sa vuki na matani cagi, ka sa varaitaka o vuni turaga na lasa vuni taucoko e dau vayacora e sega ni kila tu ko vunimarama, e sega vakadua ni vabauta ko vunimarama, ka sa kenai sau ga na tagi.

E na gauna vata talega koya e sa i otioti ni nodrau vei rai, ka sa mai tamusuki kina nodrau bula ni vei tau,e qai via veisau ko tagane,sa tasova na sucu sa gole ko adi, ia na sere oqo sai koya na sere ni kere veivosoti o tagane vei yalewa me vosota kece na ka caca lelevu e dau vakayacora tu vua e na gauna ni nodrau bula vata voli mai, ka via vakaraitaka talega ko vuni turaga ni sega ni guilecava vadua na gauna kamikamica rau wasea vata mai.

VITI FM:92.2/92.4/92.6/92.0 FM-E KAMICA QAI KAJI

I VUREVURE:MALUMUVATU NI TUVUKARAWA