SERE VOU-NOQU SASAGA-MATASERE-TALEI SOKOIWASA FT ATUNAISA.
Written by Mika Qalobula on December 23, 2023
TALEI SOKOWASA FT ATUNAISA-Oqo na lewe rua ka rau lagata na sere oqo na “NOQU SASAGA” ,ka kilai levu talega e na buturara ni veivakamarautaki e na lagasere e na noda vanua,e a katona na sere oqo na turaga ka kilai levu sara e na noda vanua e na katokatoni sere oya ko Fredy Suka.
NOQU SASAGA-Na ulutaga madaga vaka taki koya sa tukuna tu na i talanoa ni sere oqo,e na noda sucu se takali mai e na vuravura oqo me yacova sara na nomu vuli ka vaka kina na vaqara cakacaka e tiko na veika ko sasaga lo taka voli ,ka o iko ga kei na Kalou levu oqo e kila tiko na veika e gadreva voli na yalomu.E so beka era sega ni vinaka e na veika vaka vuli ia e tiko na noda dui taledi yadudua sara ka solia mai na Kalou ,ka sa na qai vakatautaki ga vei keda e na noda sasaga meda yacova yani se na nomu cakacakataka na taledi e tiko vei iko.
Na turaga tama kei na marama na tinada e tiko talega na veika e ra sasaga taka voli e na veisiga kece sara , e na kena vinakati mera vakani ka vaka i sulutaki vinaka na i solisoli ,ka mera rawata vinaka na nodra vuli, e na vuku ni sasaga mera qarava vinaka na i tavi ka dau lavaki mai e na Koro,Mataqali,Yavusa se na lotu,ka so e ra vinakata me ra sasaga vakaukauwa me toso cake na nodra i tutu vaka cakacaka ,ka vaka kina e so era vinakata mera cicivaka beka e dua na nodra bisinisi, se na bula beka ni sasaga vaqara cakacaka i vanua tani. E buli wale saraga na sere oqo me i talanoa ni noda sasaga bula na tamata e na dela ni vuravura oqo.
VITI FM:92.2/92.6/92.4/92 .0 FM-E-KAMICA-QAI-KAJI.
I VUREVURE:TALEI SOKOIWASA
