SERE VOU-NOQU SENIKAU-MATASERE-MUDRE NI CAGI KEI NASIRIVA

MUDRE NI CAGI KEI NASIRIVA-Na matasere rogolevu sara e na noda vanua ka lewena tiko na Turaga ka vola, lagata talega na noda sere vou  ko Iliesa Kanadavo, e vuqa sara na nodratou sere e sa dau vakatagitaki tiko yani e na nomuni sala ni kakaburaki na Viti Fm. E katoni na sere vou oqo e na volau ni katokatoni na STR Studio mai Lautoka , ka biutavata na kena i yaloyalo na 21 VOID FIJI.

NOQU SENIKAU-Oqo na i talanoa ni sere e na nodrau vei rai e na tiktok na lewerua ,ka rau cavu ruarua tu mai e na loma ni yasana vakaturaga  o Bua, ka  rau tiko ruarua mai vanutani ia rau duidui vanua ka rau veiyawaki sara.
E gagadre tu o gone yalewa me raica e dua na i taukei ni nona bula se dua me rau veidomoni, ka vaka vuna me  veitalanoa sara kina kei cauravou, ka tekivu me sa luluqa na i vesu ni galili vei gone yalewa e na kamica ni nodrau veikilai.

E sega ni dede na nodrau veikilai vaka me sega ni vakacegu rawa tiko na yaloi gone yalewa, ka vuni nona tidrova na yacai cauravou e na i volamata se na FB, ka sa basika na dina ni sa vakavuvale oti tiko o cauravou ,e  sa dua na ka na mosi ni yalona ka sa mani saga me qiriti cauravou me taroga na dina ni veika e raica e na i volamata, e a mani cereka mai o cauravou na lomana ni dina taucoko na ka e a raica , ka sa kerea na nona veivosoti vei gone yalewa, ka tukuna ni sa sega talega ni cegu rawa tu na yavavala ni nodrau vuvale ka sa mani lomana me rau sa na tomana madaga na nodrau veitalanoa ni sa rui talei vua na bula nei gone yalewa, me yacova na gauna e rau na  vakadeitaka i yalodrau ni na yaco na nodrau gauna.Na “SENIKAU” na yaca e kerea mai o gone yalewa me yaca ni sere, baleta ni karua ni yacai cauravou tiko .

VITI FM:92.2/92.6/92.0 FM-E-KAMICA-QAI-KAJI

I VUREVURE:ILIESA KANADAVO