SERE VOU-NOQU SENITETEVA-ASINATE MEKEMEKE CEVAKEINALAGI.
Written by Mika Qalobula on February 26, 2024
ASINATE MEKEMEKE CEVAKEINALAGI-Oqo na na Goneyalewa,ka cavutu mai ena loma ni koro vakaturaga o Tubou,Lakeba mai na yatu Lau ena Mataqali o Narewadamu,ka vasu ena loma ni koro ga e Tubou,Lakeba mai Lau ena Mataqali o Taqalevu,ka dau lewena tu na mata Bani ni Mataivalu(RFMF BAND) ena gauna i liu,ia ena gauuna oqo e tiko ena matailawalawa ni veivakamarautaki na 9 PM Music,ka kena Manidia tiko o Frank Hamagushi, na turaga ka taukena tiko na Silverwater Fibreglass.
NOQU SENITETEVA-Oqo nai talanoa ni Sere kei na Marama na Tinai Asinate, ka talanoataki kina na vanua e cavu tu mai kina kei na senikau oqo na Seniteteva ,e senikau kunekunei dredre mai na yanuyanu o Lakeba mai Lau,ka laurai taudua ga ena nodratou Vanua vakaturaga o Tinai Asinate oya mai Toga,ka senikau vakaturaga talega ni nodratou Mataqali e Taqalevu.
Na talanoa ni sere oqo e talanoataki saraga kina na dredre ni bula,ka lako curuma mai na marama na Tinana me vaka ni ratou se ka lalai sa vakacegu na Turaga na tamadratou,ka qai susugi ratou taudua tuga mai na Marama na Tinadratou,Ka vosota galugalu tu na vei dredre e lako curuma mai me yacova saraga na nodratou sa dui rawati ratou o iratou na luvena.
VITI FM 92/92.2/92.4/92.6 FM-E KAMICA QAI KACHI!
I VUREVURE-ASINATE MEKEMEKE CEVAKEINALAGI
