SERE VOU-NOQU WEDE-MATASERE-KARA VAKALOLOMA
Written by Mika Qalobula on December 27, 2023
KARA VAKALOLOMA-Na marama ka kilai tani e na buturara ni veivakamarautaki e na lagasere e na noda vanua, ka vuqa sara na sere e sa vakatagitaka oti ka o ni sa rogoca oti na nona sere e na nomuni sala ni kakaburaki na Viti Fm, ka katona na sere oqo na turaga kilai levu sara e na katokatoni sere e na noda vanua o Fredy Suka.
NOQU WEDE-E buli walega na sere oqo e na nodrau a sota tu ga kei na dua na nona Turaga tau mai Rewa, ka ni oti na nodrau veimarautaki, sa vakanadaku qai votu mai vei koya na vakanananu ni kena dau matalia tu na nodra dau vakamareqeta na i sema ni veiwekani mosimosi oqo mai na yasana vakaturaga ko Lau kei Rewa, ka sa mani dabe ka toqa kina na qaqa ni sere oqo.
E sere ni vakanananu ka qai laki tukunikataki sara toka e na i otioti ni rua na laini e na i ka otioti ni qaqana na vosa oqo ,”Kuitaki kuri ni sesewa… Raivotu o nenewa” .
E sere toka ni nodratou wede na Marama ni Natuicake vei ratou na neitou Turaga Kabani ka Tauvu talega mai na Tebara, ka loloma masu mai Delaimakotu e na i cabecabe ni Siga ki na nomudou i gadigadi e na loma ni Tebara na neitou Turaga Tau.
VITI FM:92.2/92.4/92.6/92.0 FM-E-KAMICA-QAI-KAJI.
I VUREVURE-KARA VAKALOLOMA.
