SERE VOU-ROGOROGO NI MATAKA-PIO MANUKU.
Written by Mika Qalobula on July 12, 2023
ROGOROGO NI MATAKA–Oqo na Matasere ka kena iliuliu tiko o Iowane Tulagi,ka rogoci talega kina na domoi,Jia Kalouniwai ka lewana talega na matasere na Waikatakata Vure e Delai Nuku Vula,ka rogoci talega kina na domoi Elia Savenaca.
PIO MANUKU-Oqo nai talanoa ni Sere kei koya na Cauravou ka vakatokayacataki tokaga ena Sere oqo,ka ni dau gone talairawarawa ka dau vakarorogo sara vakalevu vei rau na nona i tubutubu.
E na gauna ni nona vuli e qai kerei koya na marama na Tinana me sa cegu toka mada na vuli,ka me sa vakayagataka yani na qele me rawa ni rawata kina na nona bula,ka ciqoma na Cauravou oqo na vakatulewa e solia vua na marama na Tinana,ka cakacakataka saraga yani na veika kece me teivaka ena qele.
Na nona teitei voli na Cauravou oqo, me qai yacova ni marautaki na nona siga ni sucu ni yabaki 21, sa qarava taudua saraga o koya na kena soqo,ka ni sa matuwa ka vuqa vinaka tu na veika a teivaka tu ena qele,me vaka na yaqona kei na dalo.
Ena dua na gauna a qai tauvi koya e dua na mosi ni ulu kaukauwa ka mani vakavuna me cicivaki kina e valenibula,ka kani rarawa sara veiratou na nona vuvale ni sega ni ratou qai rawata se me ratou walia na mosi ni uluna o ratou na dauniveiqaravi mai Valenibula,ka vakavuna kina na kacivi ni nona bula.
VITIFM 92FM/92.2FM/92.6FM-EKAMICAQAIKACHI!
I VUREVURE-IOWANE TULAGI.
