SERE VOU-ROSI NI SOLOMONI-CEVA NI CAGI.

CEVA NI CAGI-Oqo na Matasere,ka kena i liuliu tiko o Marika Qio,ka cavutu mai ena loma ni koro vakaturaga o Navotu,Sanima mai Kadavu,ka vakaitikotiko tudei mai Kalekana mai Lami,ka vica sara nona sere e vakatagitaki tiko yani ena nomuni sala ni kakaburaki oqo na Viti Fm.

ROSI NI SOLOMONI-Oqo nai talanoa ni sere kei na dua na goneyalewa,ka dua vei ira na wekada gone ni Solomoni ni Viti oya o Bernadette Suiqa na yacana,ka dau vakaitikotiko,ka susugi cake mai ena  itikotiko o Kalekana mai Lami.

Ia,na ka e a qai vakasakiti sara kina na Marama oqo ni a qai laki vuli qasenivuli ni Kindergarden,ka nona i tuvattuva walega mena raa kina ni na laki butuka saraga na nona koro dina oya mai Marasa ena Yavusa ko Manukiki ena vanua ko Solomone.

E yaco na gauna me vakavotukana sara kina na nona sasaga na goneyalewa oqo,ka yaco sara me laki qasenivuli ena nona koro mai Solomone me rauta ni 12 na yabaki.

Ni oti na nona veiqaravi mai Solomoni,vakasaqarai na bula torocake mani nanuma o koya me sa dewa sara yani na vanua e tiko mai kina na Ganena mai na Vanua levu o Ositerelia me laki veiqaravi kina,ia mani yaco i Ositerelia sasagataka tale na goneyalewa oqo me sa dewa kina vanua levu o Chicago mai Amerika,ka oqo na vanua a qai laki sotava kina na nona sui ni sarisari ka sai Kolinio Tuivaga na turaga ni Natokalau ,Matuku mai Lau.

VITI FM 92/92.2/92.4/92.6FM-E KAMICA QAI KACHI!

I VUREVURE-MARIKA QIO.